ЕЧЛ-2008-09 мавсуми ҳам охирлаб бораяпти. Бу мавсумда ҳам анчайин қизиқарли учрашувларни гувоҳига айландик, қувондик, афсусландик, ҳаттоки, кўз ёши тўкканлар ҳам бўлди орамизда. Футбол ана шуниси билан миллионлар ўйини эканлигини доим исботлаб келмоқда.
Куни кеча ЕЧЛ нинг ярим финал жавоб учрашувлари бўлиб ўтди. Бир-биридан қизиқ ўтган учрашувлар мухлисларга олам-олам завқ улашган бўлса ажабмас. Фақатгина, Лондон аҳолисига эмас. Лондон икки кун кетма-кет бахтсиз кунларни бошидан кечирди. Сешанба оқшомида "Манчестер Юнайтед"дан учралган мағлубият балки адолатли бўлгандир. Лекин, бир кун ўтиб, "Барселона"ни қабул қилган Англия пойтахти, 6 май санасини мотам куни деб эълон қилади энди.
Финалда эса, кўпчилик тахмин қилганидек, "Манчестер Юнайтед" ва "Барселона" клублари биринчи ўрин масаласини ҳал қилиб беришади. Эслатиб ўтамиз, финал учрашуви 27 май куни, Римдаги "Олимпико" ўйингоҳида бўлиб ўтади. Арсенал (Англия) – Манчестер Юнайтед (Англия) – 1:3 (0:2)
Ҳакам: Роберто Розетти (Италия)
Голлар: 0:1 – Пак Чжи Сун (8), 0:2 – Роналду (11), 0:3 – Роналду (61), 1:3 – ван Перси (76, пенальти).
АРСЕНАЛ: Альмуния, Санья, Джуру, Туре, Гиббс (Эбуэ, 46), Фабрегас, А.Сонг, Насри, Уолкотт (Бендтнер, 63), Адебайор, ван Перси (Вела, 80).
МАНЧЕСТЕР ЮНАЙТЕД: ван дер Сар, О’Ши, Видич, Рио Фердинанд, Эвра (Рафаэл да Силва, 65), Кэррик, Андерсон (Гиггз, 63), Д. Флетчер, Парк Чжи Сун, Руни (Бербатов, 66), Роналду.
Огоҳлантиришлар: Насри (69), Адебайор (82), Эбуэ (86).
Четлатиш: Д. Флетчер (75).
Биринчи учрашув – 0:1.
Челси (Англия) – Барселона (Испания) – 1:1 (1:0)
Ҳакам: Том-Хеннинг Эвребэ (Норвегия)
Голлар: 1:0 – Эссьен (9), 1:1 – Иньеста (90).
ЧЕЛСИ: П.Чех, Босингва, Терри, Алекс, Э. Коул, Эссьен, Лэмпард, Баллак, Анелька, Малуда, Дрогба (Беллетти, 72).
БАРСЕЛОНА: В. Вальдес, Д. Алвес, Яя Туре, Пике, Абидаль, Хави, Бускетс (Кркич, 85), С. Кейта, Месси, Это′О (Силвиньо, 90), Иньеста (Гудьонсен, 90).
Огоҳлантиришлар: Д. Алвес (30), Эссьен (74), Алекс (77), Это′О (90), Иньеста (90), Баллак (90), Дрогба (90).
Четлатиш: Абидаль (66).
Биринчи учрашув – 0:0. Гус Хиддинк: "Футболчиларнинг руҳий кечинмаларини тушунаман" "Челси" бош мураббийи Гус Хиддинк “Барселона” билан бўлиб ўтган Чемпионлар лигасининг жавоб учрашувига изоҳ берди.Мен ҳали ҳам жуда хафаман. Шунинг учун тинчланиб олишим ва нима бўлганини таҳлил қилиб олишим керак. Биз учрашувни жуда муносиб, тактик тўғри ўтказдик, лекин ўйин тақдирини аввалроқ ҳал қилишимиз лозим эди. Бундай босқичда эса буни амалга ошириш қийин. Лекин икки ёки учта голли вазиятлардан фойдаланганимизда ҳозир бундай шовқин-суронлар бўлмасди. Финал хуштагидан кейин футболчиларимнинг норози эканини тушунаман, ҳамманинг вужуди адреналинга тўла эди. "Барса" дарвозасига камида тўрт марта пенальти берилиши керак эди. Менимча, бу адолатсиз. Хосеп Гвардиола: "Мен "Челси"дан очиқроқ ўйин кутгандим" "Барселона" бош мураббийи Хосеп Гвардиола ҳам Челси ва Барселона ўртасида кечган Чемпионлар лигасининг жавоб учрашувига изоҳ берди."Биз ғалаба учун ўйнадик, тўпга кўп эгалик қилдик ва голли вазиятлар яратдик, лекин дарвозани ишғол қилиш учун кўп имкониятга эга бўлмадик. Айтишиб ўтишим лозимки, "Челси"дан очиқроқ ўйин кутгандим. Лекин бошқача бўлиб чиқди, шунинг учун бизга анча қийин бўлди. Мен ҳар доим жамоамга ишонаман, охирги 25 дақиқа камчиликда ҳаракат қилган бўлсакда, биз тақдирга тан бермадик. "Челси" қарши ҳужумда кўплаб имкониятларга эга бўлди, лекин умуман олганда мезбонлар жуда консерватив ўйин намойиш этишди. Буни тушунса бўлади, рақибнинг Лионел Мессидек футболчиси бўлса, исталган вақт хавфли бўлиши мумкин. "Челси"га қарши тўлиқ таркиб билан ўйнаш қийин, камчилик бўлиб ҳаракат қилишни айтмаса ҳам бўлади. Бироқ биз охиригача курашдик ва ҳозир жуда-жуда хурсандмиз. "Челси" қарши ҳужумда ажойиб ўйнайди, лекин биз ўз кучимизни ва жасурлигимизни кўрсатдик. Якунида финал хуштаги янграшидан олдин хавфли вазият ярата олдик. Мен Андрес Иниеста учун жуда хурсандман. У “Барселона” шарафини ҳимоя қилувчи ажойиб футболчи. Кам гол киритиши сабабли уни кўп танқид қилишади, лекин бу ёғига бошқача бўлади деган умиддаман”. "МЮ" – Лиганинг амалдаги чемпиони. Бу ажойиб мураббий раҳбарлик қилувчи жуда яхши жамоа. Гарчи мен ўтган мавсумдаги уларга қарши учрашувимизни ва бу мавсумдаги “МЮ” ўйинларини пухта кўриб чиқмаган бўлсам-да, манкунянлар ҳимояга таяниб, қарши ҳужумда ўйнашса керак деб ўйлайман. Биз эса аниқ ҳужум қиламиз. Яхши ўйин бўлади деган умиддаман, ахир рақиб жуда кучли ва ажойиб футболчиларга эга. Биз ғалаба қозонишга ва Европа чемпионлар лигаси кубогини қўлга киришга ҳаракат қиламиз. Финалда Даниэл Алвеш ва Эрик Абидаллар бизга ёрдам бера олмайди, лекин бугун биз Рафаэль Маркес ва Карлес Пуйолларсиз ҳаракат қилганимизни унутманг. Бунинг устига, Яя Туре ўн йил аввал охирги марта ҳимояда ўйнаган. Бугун у мақтовга лойиқ ўйин намойиш этди. "Барса"нинг финалдаги таркиби бошқача бўлади, лекин ўйин услуби, яъни тўпни эгаллаб туриш, пас бериш ва гол киритишга ҳаракат қилиш услуби ўзгармайди. Албатта, мавсумдаги муваффақиятимиздан мамнунман. Ростини айтсам, дебют мавсумда биз бундай натижаларга эришишимизни кутмагандим. Даставвал биз "примеро"да олтинни қўлга киритишга, сўнгра Испания кубогида "Атлетика" устидан ғалаба қозонишга ҳаракат қиламиз. Ва айнан шундан сўнг "МЮ"га қарши учрашув ҳақида ўйлаймиз". Андрес Иньеста: "Бахтдан ёрилай дедим". «Челси» билан бўлиб ўтган учрашувда каталонлар учун ғалаба тўпини киритган «Барселона» ярим ҳимоячиси Андрес Иньеста унинг жамоаси кейинги босқичга йўл олишга муносиб деб ҳисоблайди.
«Бу ҳаётимдаги энг бахтли лаҳзалар. Тўпни тепганимдан кейин уни фақат дарвоза тўрига бориб тушганда кўрдим. Бахтдан ёрилаёздим. Биз ўз ишимизни яхши бажардик, мавсумни ажойиб тарзда ўтказдик. Агар тўлиқ шай бўлсанг, бу албатта ўз самарасини беради», - дейди Иньеста Canal Plusга берган интервьюсида. Д. ДОНИЁРОВ тайёрлади
Манба: www.uff.uz Киритувчи: sonyericsson
|
