 1991 йилда таваллуд топган футболчилардан иборат Ўзбекистон ёшлар терма жамоаси (U-19) 3 май куни Тошкентда ташкил этилган навбатдаги ўқув-машғулот йиғинини якунлади.
Йиғиннинг сўнгги кунида Марат Кабаев шогирдлари Тошкентнинг «Локомотив» клуби билан ўртоқлик учрашуви ўтказишди. «Темирйўлчилар»нинг аралаш таркиби орасида Азиз Ашуров, Сергей Баканов, Павел Соломин, Тимур Айзатуллов каби етакчи футболчилар ҳам ҳаракат қилдилар. Шунга қарамай, ёшлар терма жамоаси фаол ўйнаб, якунда 2:1 ҳисобида ғалаба қозонишга муваффақ бўлди.
Шуни эътироф этиш зарурки, Ўзбекистон ёшлар терма жамоаси бундан аввал «Пахтакор» ўринбосарлари билан назорат баҳсини ўтказиб, 0:1 ҳисобида мағлубиятга учраганди.
Эслатиб ўтамиз, жамоанинг кейинги йиғинини ҳам Тошкентда 16-21 май кунлари ташкил этиш режалаштирилган.
Ўзбекистон ё.т.ж. - «Локомотив» (Тошкент)-2:1 (1:1)
Голлар: Р.Мухаметшин (4), А.Баҳриддинов (78).
Ўзбекистон ё.т.ж.: Анатолий Степнов, Азизбек Фатхуллаев, Фаррух Нурлибоев, Жавлон Гусейнов, Даврон Ҳошимов, Ренат Мухаметшин, Мирғиёс Сулаймонов, Сардор Рашидов, Исроил Эргашев, Тимурхўжа Абдухолиқов, Дмитрий Кузин.
Захирадан майдонга тушганлар: Павел Смоляченко, Акбар Исматуллаев, Шерзод Файзиев, Жаҳонгир Қурбонов, Акром Баҳриддинов.
|
