Kulblarimizga qo'shiqlar - 8 Мая 2009 - Navbahor-N PFK va DUNYO FUTBOLI

NAVBAHOR-N PFK va DUNYO FUTBOLI YANGILIKLARI

Dushanba, 20.05.2024, 04:05

| RSS

Profilim

CHiqish

OLIY LIGA JADVALI

ON-LINE futbol

sayt meyusi

Ro'yhatdan o'tganmisiz ?

saytdan qidirish

taqvim

« May 2009 »
DU	SE	CHOR	PA	JU	SHA	YAK
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

KEYINGI RAQIBIMIZ

Главная » 2009 » May » 8 » Kulblarimizga qo'shiqlar

Kulblarimizga qo'shiqlar

16:57

"Чемпион" нашри чиқа бошлагандан бери ўқувчилар томонидан кўпгина таклифу мулоҳазалар билдириб келинмоқда. Бундан бирмунча вақт аввал "Чемпион-ТВ"дан репортажлар қилиб кўргандиква ўша трансляциялар кўпчиликка манзур бўлганди. Энди эса янги очилган "Чемпион" радиосига ҳам турфа талабу истаклар келиб тушмоқда. Дастлабки истаклар футболчилар, клублар, ва ҳатто ҳакамларимиз томонидан билдирилди. Демак, "Табриклар ва дил изҳорлари" дастуримизда:...

Ўзбекистон терма жамоаси футболчиларининг талабига биноан:
“Қўрғоним – ватан!” қўшиғи...

Ўзбекистон терма жамоасига мухлислик қилганидан, ўртоқлик ўйинини кўришга ошиққан ишқибозларнинг талабларига биноан:
“Балким қуёш кулар эртага,
Очилади гуллар эртага,
Нима бўлса бўлар эртага,
Сени бугун кўрмасам бўлмас!”

“Бунёдкор” жамоаси мухлисларининг талабига биноан:
“Замон, замон, бизнинг замон, даврон бизники!”

“Бунёдкор” жамоаси футболчиларининг талабига биноан:
“Қабринг узра тўксалар ҳам ёш
Хато қилишингни кутарлар!”

“Пахтакор” жамоаси мухлисларининг талабига биноан:
“...Ҳали замон – замон келади -
Далаларда танклар пахта теради!”

Чемпионликни соғиниб қолган “Пахтакор” жамоаси футболчиларининг талабига биноан:
“Нечун йироқлаб кетдинг,
Яна соғиндим, яна!
Кеча бағримда эдинг,
Яна соғиндим яна!”

“Нефтчи” жамоаси мухлислари талабига биноан:
“Умр ўтар, вақт ўтар,
хонлар ўтар, тахт ўтар,
лекин ҳеч чиқмас ёдимдан, ёдимдан...
сенинг кулишларинг... чемпион бўлишларинг...!”

Миллий чемпионатнинг бугунги ҳолатини тушуна олмаётган “Нефтчи” жамоаси бош мураббийининг талабига биноан:
“Аввалгиларга ўхшамас...”

“Навбаҳор” жамоаси мухлислари талабига биноан:
“Яна баҳор қайтармикан, сен қайтмасанг,
Қушлар қўшиқ айтармикан, сен айтмасанг?!”

Бу хитобга жавобан мухлисларига нидо қилаётган “Навбаҳор” жамоаси мутасаддиларининг талабларига биноан:
“Мени кутгил ва мен қайтарман...”

“Насаф” мухлислари талабига биноан:
“Эй сорбон, оҳиста юр, ороми жоним борадур!”

Бир “Машъал”да, бир “Насаф” жамоасида тўп сурган бир қатор футболчиларнинг талабига биноан:
“Қўйнимда бир ёру, кўнглимда бир ёр!”

“Хоразм” мухлислари эътиборига биноан:
“Даврага туш, даврага туш, хиром этиб мисоли қуш, кўрмаганлар бўлади хуш...”

Ўз мухлисларининг шижоатини кўрган ва шунга яраша қаҳрамонлик кўрсатишга шай турган “Хоразм” жамоаси вакилларининг талабига биноан:
“Юрагимни йўлбарсларга едираман!”

Бу йили умуман бошқа натижаларни кутган “Андижон” мухлисларининг талабига биноан:
“Берган ваъдаларинг ёлғонму, жоним?!”

Ўзи ҳам вазиятни тушуна олмаётган “Андижон” жамоаси вакилларининг талабига биноан:
“Адашдим!”

Терма жамоа таркибида ўйнамаётган бўлса-да, ўз ўрнининг кераклилиги билан эсланаётган Жаъфар Ирисметовнинг талабига биноан:
“Унутмоқ осонмас бизларни!”

Охирги пайтда футбол оммасида кўринмаётган ва клубида ҳам ўз ўрнини йўқотган Максим Шацкихнинг талабига биноан:
“Фиғонким гардиши даврон, аюрди шахси воримдан...”

Фарҳод Тожиевнинг талабига биноан:
“Барча гўзаллардан ўзинг, Шириним!”

Игнатий Нестеровнинг талабига биноан:
“Мардлар қўриқлайди ватанни!”

Терма жамоамиздаги ҳолат туфайли ва майдонга туша олмаётганидан қаттиқ афсусланаётан Миржалол Қосимовнинг талабига биноан:
“Болалигим, сени соғиндим!”

Ҳужумчиларимиз ичида ўз ўрнига эга бўлолмаётган Улуғбек Бақоевнинг талабига биноан:
“Кетаман бу ердан бош олиб
Мажнунни сийлаган саҳрога.
Кетаман кўзимга ёш олиб
Борса келмасданам йироққа!”

Ўтган йили мавсум тўпурари бўлган, бу йил эса нафақат гол урмаётгани, балки клубидаги ўрнини йўқотгани билан ҳамманинг эътиборида турган Сервер Жепаровнинг талабига биноан:
“Йиғлаган мен бўлдим, кулган ўзгалар!”

Ривалдонинг Бразилиядаги мухлислари талабига биноан:
“Бир пайтлар эдинг юлдузим,
Энди кимга юлдузсан, жоним?”

Фаолияти давомида бирон бир инсонга бўлса ҳам ёқишга муваффақ бўлмаган савиясиз ва олчоқ ҳакамлар талабига биноан:
“Мени севиб қолсайдинг!”

Манба: www.uff.uz, "Чемпион" ҳафтаномаси

Киритувчи: admin25

Просмотров: 1356 | Добавил: Abbos | Рейтинг: 0.0/0 |