“Liverpul” sardori Stiven Jerrard Angliya sport jurnalistlari Assotsiatsiyasi tomonidan mavsumning eng yaxshi futbolchisi deb tan olindi. 28 yoshli yarim himoyachi so'rovnomada “Manchester Yunayted” futbolchilari Ueyn Runi va Rayan Giggzlarni ortda qoldirdi. “Jerrardning bu mavsumda o'tkazgan o'yinlari tahsinga loyiq. Uning g'alabaga bo'lgan kuchli ishtiyoqi “Liverpul”ning chempionlik poygasida qatnashigiga turtki bo'ldi. Shu bois uni mavsumning eng yaxshi futbolchisi deb topdik”,- dedi jurnalistlar assotsiatsiyasi vakili Stiv Beyts. Eslatib o'tamiz, Stivenga ushbu sovrin 29-may kuni topshiriladi.