Osiyo Chempionlar ligasi guruhlarida jamoalar bir xil ochko to'plab qolishsa, ularning o'rinlari qay tartibda aniqlanadi? Ushbu savolga turnir reglamentining 23 g) moddasi to'liq javob beradi: Agar guruhda ikki va undan ortiq jamoalar yig'gan ochkolar soni teng bo'lib qolsa, bu holda guruhdagi o'rinlar quyidagi ko'rsatkichlar ketma-ketligi bo'yicha taqsimlanadi: 1) o'zaro uchrashuvlarda qo'lga kiritilgan ochkolar soni bo'yicha; 2) o'zaro uchrashuvlardagi to'plar nisbati bo'yicha; 3) o'zaro uchrashuvlarda kiritilgan gollar soni bo'yicha; 4) guruhdagi barcha uchrashuvlardagi umumiy to'plar nisbati bo'yicha; 5) guruhdagi barcha uchrashuvlarda kiritilgan gollar soni bo'yicha; 6) agar guruhda bir xil ochkoga faqatgina ikkita jamoa ega bo'lsa va ularda 6-tur uchrashuvidan so'ng mutlaqo bir xil ko'rsatkichlar bo'lsa hamda ular birga maydonda bo'lsalar, bu holatda penaltilar seriyasi belgilanadi; 7) sariq va qizil kartochkalarning kamligi bo'yicha; 8) qur'a tashlash yo'li bilan.