Angliyaning «Manchester Yunayted» klubi Karlos Tevesning transfer huquqiga ega bo'lgan MSI kompaniyasi rahbari Kia Jurabchyan bilan muzokara olib bordi. Ma'lumki, shu kunlarda argentinalik futbolchining «MYu» bilan tuzgan ijara shartnomasi nihoyasiga etadi. Ayni paytda Jurabchyan futbolchining transferi uchun 22 million funt sterling so'ramoqda. Ammo manchesterliklar Tevesning bahosini tushirish niyatidalar. Eslatib o'tamiz, Karlos so'nggi ikki mavsumni «Qizil iblislar» safida o'tkazdi. Ular futbolchining ijarasi uchun bir yilga 5 million funtdan to'laganlar. Shu o'rinda aytish joiz, Tevesni Italiyaning «Milan»klubi ham sotib olish niyatida. «Rossonerlar» MSI so'ragan 22 millionni to'lashga tayyor ekanliklarini bildirishgan.