1991 yilda tavallud topgan futbolchilardan iborat O'zbekiston yoshlar terma jamoasi (U-19) Toshkentdagi o'quv-mashg'ulot yig'inlari doirasida 19 may kuni Oliy liga vakili “Olmaliq” klubi bilan o'rtoqlik uchrashuvini o'tkazdi. “Olmaliq” o'z uy uchrashuvlarini o'tkazadigan “Metallurg” stadionida bo'lib o'tgan o'yin hujumkor va keskin kurashlarga boy bo'ldi. Buni bellashuv mobaynida bir nechta futbolchilar jarohat olganliklari bilan ham ko'rsatish mumkin. Qisqasi, teng kurashlar ostida kechgan o'yin taqdirini birgina gol xal qildi. O'zbekiston yoshlar terma jamoasi jarima maydoni ichida yuzaga kelgan vaziyatda himoyachi Javlon Guseynov kutilmagnda boshi bilan to'pni o'z darvozasiga kiritib qo'ydi. Shundan keyin terma jamoa safida ko'plab futbolchi almashtirishlar amalga oshirildi. Jumladan, jarhatlangan himoyachi Pavel Smolyachenkoning o'rniga taklif qilingan “Paxtakor” a'zosi Farhod Nishonov ham ilk marotaba terma jamoa tarkibida to'p surdi. Mag'lubiyata qaramay, Marat Kabaev shogirdlari o'zlarining g'alabaga bo'lgan ishonchlari va ishtilishlari sababli, stadionga tashrif buyurganlarda iliq tassurot qoldirishdi. Ma'lumki bu safargi yig'in 21 mayga qadar davom eatdi. “Olmaliq” – O'zbekiston 1:0 (0:0) O'zbekiston: Anatoliy Stepnov, Sherzod Fayziev, Javlon Guseynov, Farrux Nurliboev, Rustam A'zamov, Mirg'iyos Sulaymonov, Renat Muxametshin, Akrom Baxriddinov, Azamat Kamoliddinov, Dmitriy Kuzin, Temurxo'ja Abduxoliqov 2-bo'limda zahiradan maydonga tushganlar: Farhod Nishonov, Sardor Rashidov, Hayot Xudoyberganov, Farruh Shotursunov, Isroil Ergashev, Azizbek Fatxullaev