Лондоннинг "Челси" клуби ҳужумчиси Дидье Дрогба ЕЧЛ ярим финал жавоб учрашуви якунланганидан сўнг ҳакамга босим ўтказишга ҳаракат қилган эди. Ҳужумчи ушбу хулқи учун ўз узрини сўради ва Хосеп Гвардиола шогирдларини финалга чиққанликлари билан қутлади.
Эслатиб ўтамиз, учрашув якунига етиши билан Дрогба ҳакамга нисбатан жуда қўпол муносабатда бўлган эди. У шу орқали ҳакамнинг чиқарган қарорларидан ўзини норози эканлигини намойиш этишга уринганди. Ушбу ҳолат йирик телекомпаниялар орқали тўғридан-тўғри эфирда намойиш этилган.
"Мен ўйиндан сўнг жуда қаттиқ асабийлашгандим, лекин, ўйиннинг видеоёзувини кўргач, ноҳақ эканлигимни тушундим. Албатта, менинг ушбу ҳаракатларим телевизор қаршисида томоша қилганларга ёқмаганлиги табиий, айниқса ёш болалар олдида жуда уятдаман. Қилғилиғим учун афсусдаман ва бунинг учун сизлардан узр сўрайман", - дея Дрогбанинг сўзларидан иқтибос келтирмоқда "Челси" клуби расмий сайти.
